Skip to main content

Tasting
Academy

Tasting Academy

La plui autentiche degustazion di vins dal
teritori dai Cuei Orientâi dal Friûl

La plui autentiche degustazion di vins dal
teritori dai Cuei Orientâi dal Friûl

Prenote la visite

Cerce.
Discuvierç.
Impare.

Teritori, uis, vins, clime, tieris, vicendis, culture e storie dai Cuei Orientâi

Prenote la visite

Sielç la date e met dentri lis informazions che a coventin

La esperience

La Tasting Academy e je une esperience uniche e formative par imparâ dut ce che al è di savê sui Cuei Orientâi. Fasiti contâ il teritori e i siei vins, cerçant 32 varietâts che ti proponìn cuntune rotazion costante.

Tasting Academy

Prenote la tô visite te Tasting Academy par discuvierzi dut ce che al è di savê sui teritoris e sui vins de nestre tiere. Al sarà un viaç tes zonis de Doc Friuli Colli Orientali, tes sôs sotzonis e tes DOCG cu la degustazion vuidade di 32 vins.
Prenote la visite

I nestris esperts

Compagnât dai nestris esperts, tu fasarâs un viaç par discuvierzi ce che al sucêt tes vignis dai Cuei Orientâi e cemût che i microclimis, i terens e lis lôr esposizions diferentis a fasin nassi vins tant unics.

Matteo Bellotto

Filosof, sommelier e studiôs de storie e de culture furlanis, si definìs un “tocainoman”. Al è nassût a Glemone tal 1980 e al vîf a Udin. Al colabore cu la riviste MangiaVino, publicade de Associazione Italiana Sommelier del Friuli Venezia Giulia. Al è ancje l’autôr di Storie di vino e Friuli Venezia Giulia e di Di terra e di vino – Romanzo friulano.
Prenote la visite

Matteo
Bellotto

Francesco Scalettaris

Agronom e studiôs di comunicazion dal vin, sedi dal mont digjitâl che di chel tradizionâl, al è nassût a Udin tal 1985 e la sô mission e je simpri stade chê di spiegâ il vin in maniere facile, clare e legre. Al è un sommelier de AIS e al à scrit doi manuâi a fumets: Conoscere il vino e Conoscere la birra. Al à inventât il format des “degustazions dissegnadis” e cun Matteo al zire la Italie e la Europe par contâ il teritori dai Cuei Orientâi.
Prenote la visite

Francesco
Scalettaris

Laura
Antoniacomi

Prenote la visite

Tasting Academy

Prenote

Ce vins cerçarìno?

  • I 32 vins si dan la volte in maniere costante.

In chescj dîs, te Tasting Academy tu cerçarâs:

Friulano 2023 Ca Felice
Friulano 2023 Ermacora
Friulano 2023 Antico Broilo
Friulano 2023 Tunella
Friulano 2022 Perusini
Friulano 2022 Il Roncal
Friulano 2022 Vigna Traverso
Friulano 2022 Zorzenone
Bianco 2021 Canus
Bianco 2021 Scarbolo
Bianco 2022 Specogna
Bianco 2021 Aquila del Torre
Sauvignon 2022 Volpe Pasini
Sauvignon 2022 Conte d’Attimis Maniago
Sauvignon 2022 Marinig
Sauvignon 2023 La Magnolia

Ribolla gialla 2021 Collavini
Ribolla gialla 2023 Butussi
Ribolla gialla 2022 Grillo Iole
Ribolla gialla 2022 La Roncaia
Pinot grigio 2022 Lis Fadis
Pinot grigio 2022 Aganis
Pinot grigio 2021 Zorzettig
Pinot grigio 2021 Castello Sant’Anna
Schioppettino 2020 La Sclusa
Pignolo 2018 Albano Guerra
Cabernet franc 2018 – Dri
Merlot 2018 – Stroppolatini
Refosco dpr 2019 – Ronco delle Betulle
Refosco dpr 2018 – Monviert
Refosco di Faedis 2018 – De Luca
Schioppettino 2022 – Cà Lovisotto

Ce ise?

  • Adun cun Matteo, Francesco o Laura tu discuvierzarâs la DOC Friuli Colli Orientali e lis DOCG Ramandolo, Rosazzo e Picolit e dutis lis lôr sotzonis (Refosco di Faedis, Cialla, Schioppettino di Prepot, Ribolla gialla e Pignolo di Rosacis). Ti mostrarìn i dâts di ogni vignâl, ti contarìn curiositâts, nozions storichis e enologjichis par po rivâ a cerçâ cun nô fin a 32 vins diferents.

Trop si staial par fâ la visite?

  • No je propit une visite, ma une vere lezion sui Cuei Orientâi, di sù par jù 2 oris, fate di un espert.

Sêso vierts ancje di sabide e di domenie?

  • Dome par grups cun plui di 5 personis. Mandinus une email a promozione@colliorientali.com e ti rispuindarìn cun dutis lis nestris disponibilitâts pai fins setemane.

Ce oraris vêso?

  • Des 10.30 aes 12.30 e des 14.30 aes 18.30.

Fevelaiso di aspiets specifics, peâts par esempli ae varietât, al teritori, ae anade?

  • Sigûr. Se tu âs cualchi curiositât particolâr, zontile intes notis di prenotazion e nô o tignarìn cont des tôs domandis.

Si puedino ancje comprâ vins, li di voaltris?

  • Il Consorzi al fâs dome promozion e nol gjestìs une ativitât comerciâl. I vins che tu cerçarâs ca di nô, adun cun tancj altris, tu pues cjatâju tes cantinis dai Cuei Orientâi.

Trop costie?

  • Se tu sês un professionist dal vin o de ristorazion (impuartadôr, compradôr, sommelier/camarîr, gjestôr di une enoteche, di un bar) la esperience e je gratuite. Se invezit tu sês un amant dal vin, un apassionât o un sommelier no professionist, in chel câs la esperience e coste 25 euros parom par grups fin a 4 partecipants, 20 euros par grups di 5 o plui personis.

Dulà sêso?

  • O sin a Cuar di Rosacis, in Place XXVII Maggio, 11, a 13 km di Udin, tal In plan dal Consorzi Friuli Colli Orientali e Ramandolo. Fâs clic culì e vierç la mape..

La esperience ise ogni volte diferente?

  • I vins a cambiin simpri e cun lôr ancje chel che o contìn.

Puedio regalâ une visite ae Tasting Academy?

Cemût prenotio par me o pal gno grup?

  • Par prenotâ la tô esperience te Tasting Academy tu âs dome di jemplâ il modul da pît de pagjine. Dopo che tu varâs sielzût la date e la ore, se tu sês un privât tu podarâs completâ la operazion paiant cu la cjarte di credit in maniere semplice e sigure. Se ti covente jutori par prenotâ o se tu vuelis personalizâ la tô esperience, scrivinus a promozione@colliorientali.com e ti disarìn cemût fâ.
Prenote la visite

Ce che a disin de Tasting Academy

Luca

Una esperienza unica.. Ci ha accolto Matteo che ci ha intrattenuto per più di due ore spiegandoci un po’ di storia, di geografia, di filosofia, di composizione-esposizione dei terreni e facendoci capire le differenze tra le stesse produzioni fatte a poche centinaia di metri le une dalle altre… Top!

Valerio

Che dire…un’esperienza fantastica. Matteo e Francesco, due professionisti del settore enologico, vi guideranno alla scoperta dei vini della DOC Colli Orientali attraverso dati storici, statistici e geografici. Grazie, grazie, grazie! Alla prossima!

Ariella

Wow. Una degustazione unica e superlativa. Una serata molto ricca e varia in una stanza tutta per noi. Matteo ci ha fatto fare un viaggio molto emozionante nei vini.

Lorenzo

Inserita in un’ala di una villa del 700, molto ben tenuta, rappresenta per il tipo di lavoro che viene fatto un centro veramente unico nel suo genere: con grande passione si segue tutto quello che riguarda il vino, analizzando nei dettagli tutte la cantine del territorio. Tutto questo non si fa solo perché è un lavoro, ma perché c’è una cultura ed una passione infinite.

Contatinus
Fâs clic e scrivinus
0432 730129
Ven a cjatânus
Place XXVII Maggio, 11

Prenote la visite

Sielç la date e met dentri lis informazions che a coventin